ნიკაპის პლასტიკა


ნიკაპის პლასტიკა ანუ გენიოპლასტიკა გულისხმობს როგორც გამოწეული ნიკაპის კორექციას, ასევე ნაკლებად განვითარებული, უკან გაწეული ნიკაპის წინ წამოწევას.  

  • არასაკმარისად განვითარებული ნიკაპი
  • თანდაყოლილი და ტრავმული დეფორმაციები
  • ორმაგი ნიკაპი


როგორ ტარდება ოპერაცია?
ნიკაპის კორექცია ტარდება როგორც წესი ადგილობრივი ანესთეზიით და ითვლება ნაკლებტრავმატულ ოპერაციად.  კორექცია შეიძლება ჩატარებულ იქნას როგორც გარეთა განაკვეთით, რომელიც განთავსებულია ნიკაპის ქვეშ, ასევე ქვედა ტუჩის ლორწოვანზე.  მეორე განაკვეთი პირველისგან განსხვავებით არ ტოვებს ნაკვალევს. პროტეზების ზომასა და ფორმას თქვენ ექიმთან ერთად შეარჩევთ. ნიკაპის დაპატარავება ან უკან გაწევა იგივე განაკვეთებიდან კეთდება, თუმცა ამ შემთხვევაში აუცილებელია ძვალზე ჩარევა, ხანდახან საჭიროა მათი ფიქსაციაც.

რამდენი ხანი გრძელდება ოპერაცია ?
ნიკაპის პლასტიკის ოპერაციის ხანგრძლივობა არჩეული მეთოდიდან გამომდინარე 30 წუთიდან 2 საათამდე გრძელდება.
ნიკაპის პლასტიკის ოპერაციის ჩატარება შესაძლებელია როგორც ადგილობრივი, ასევე ზოგადი ანესთეზიის პირობებში.

რა გვერდითი მოვლენები შეიძლება ჰქონდეს ამ ოპერაციას?
ჩვენ ვიყენებთ მხოლოდ საუკეთესო ევროპული მწარმოებლების იმპლანტებს. ოპერაციის შემდგომ იშვიათია კაფსულური კონტრაქტურის ჩამოყალიბება, რაც თანამედროვე პროტეზების გამოყენებამ მინიმუმამდე დაიყვანა.


რამდენ ხანში უბრუნდება პაციენტი ცხოვრების ჩვეულ რითმს?
პაციენტი ეწერება კლინიკიდან 1 დღის შემდეგ. სამსახურში დაბრუნება შესაძლებელია 1-2 კვირის შემდეგ.  ნაკერები იხსნება 7-10 დღის შემდეგ.   2 კვირის განმავლობაში აუცილებელია სპეციალური კორსეტის ტარება. 2-3 თვე კი შეზღუდულია მძიმე ფიზიკური დატვიტთვა.