წარბების აწევა არის ოპერაცია, რომლის საშუალებითაც შესაძლებელია, როგორც მთლიანად წარბების, ასევე მათი გარეთა კიდეების აწევა.
ასაკთან ერთად წარბები ქვემოთ იწევს, განსაკუთრებით მათი გარეთა კიდეები, რაც სახეს სევდიან ან დაღლილ იერს აძლევს.
კლინიკა მედიში დანერგილია წარბების ენდოსკოპიიური აწევის მეთოდი, რომლის საშუალებითაც შესაძლებელია თავის თმიან ნაწილში მცირე განაკვეთებიდან წარბების აწევა.
ხშირად პაციენტები თვლიან, რომ ქუთუთოებზე კანის დაკიდების გამო ქუთუთოების პლასტიკაა აუცილებელი. სინამდვილეში კი, წარბების აწევამ შესაძლოა მთლიანად შეცვალოს თქვენი თვალები, რომლებიც ხდება ნათელი და გახსნილი. ხშირად მხოლოდ მათი გარეთა კიდეების აწევაც კი საკმარისია.
წარბების აწევის მეთოდები
წარბების მთლიანად აწევის დროს საკმარისია თავის თმიან ნაწილში 5 მცირე ზომის განაკვეთი, რომლის საშუალებითაც ხდება წარბების ზევით გადანაცვლება და ფიქსაცია. პროცედურის უსაფრთხოებას უზრუნველყოფს თანამედროვე ენდოსკოპიური ტექნიკის გამოყენება.
წარბების გარეთა კიდეების აწევის დროს , საფეთქლის თმიან ნაწილში კეთდება 2 სმ. ზომის განაკვეთები, რომლის საშუალებითაც წარბები ფიქსირდება აწეულ მდგომარეობაში.
ოპერაციის ხანგრძვილობა
ოპერაციის ხანგრძლივობას განსაზღვრავს ჩატარებული სამუშაოს მოცულობა და 1-2 საათი გრძელდება.
ოპერაცია შესაძლებელია ჩატარდეს როგორც ზოგადი, ასევე ადგილობრივი გაუტკივარების ქვეშ.
რეკომედაცია
წარბების აწევის ოპერაცია რეკომენდირებული არა არის შაქრიანი დიაბეტის, სისხლის შემადედებელი სისტემის დაავადებების, მძიმე ფორმის სომატური (ფილტვების, მუცლის ღრუს ორგანოების და სხვა) დაავადებების დროს.
გვერდითი მოვლენები
ოპერაციის შემდგომ დღეებში აღინიშნება შეშუპება, ზოგჯერ ქუთუთოებზე სისხლჩაქცევები, რომელიც თავისთავად გაივლის. ნაკერები იხსნება 7-10 დღის შემდეგ. მძიმე ფიზიკური დატვირთვა 2-4 კვირითა არის შეზღუდული.
რეაბილიტაცია
პაციენტი ოპერაციის შემდეგ შესაძლოა იმავე დღეს დაბრუნდეს სახლში. ცხოვრების ჩვეულ რიტმს უბრუნდება 2-5 დღეში. სილურჯე ქუთუთოებზე შესაძლოა დარჩეს 1-2 კვირის განმავლობაში.
