ორთოდონტია არის სტომატოლოგიის ნაწილი, რომელიც შეისწავლის კბილებთან, კბილთა რკალებთან და თანკბილვასთან დაკავშირებულ პრობლემებს. ორთოდონტიული მკურნალობის მიზანია ესთეტიკის გაუმჯობესება, ფუნქცის ნორმალიზება და უკვე მიღებული შედეგის მყარი სტაბილიზაცია.
ორთოდონტიული მკურნალობისათვის გამოიყენება, როგორც მოუხსნელი ასევე მოსახსნელი კონსტრუქციები. მოსახსნელ კონსტრუქციებს განეკუთვნება ფირფიტები და კაპები, ხოლო მოუხსნელ კონსტრუქციებს – ბრეკეტები, რომლებიც შესაძლოა იყოს მეტალის, კერამიკული, თვითლიგირებადი ან ლინგვალური.
ბრეკეტები
მეტალის ბრეკეტები ყველაზე ფართოდ გავრცელებული და ამავდროულად, ხელმისაწვდომი კონსტრუქციაა, რომელიც მაგრდება ვესტიბულურად (კბილის გარეთა ზედაპირზე), არის მტკიცე და საიმედო ფიქსაციის.
კერამიკული ბრეკეტების უპირატესობა მის ესთეტიურობაშია, ის იმეორებს კბილის ფერს და არის ნაკლებად შესამჩნევი, განეკუთვნება ვესტიბულურ ტიპის ბრეკეტს.
ლინგვალური ბრეკეტის ფიქსაცია კბილის შიდა ზედაპირზე ხდება და გამოიყენება შედარებით მსუბუქი თანკბილვის ანომალიების დროს.
თვითლიგირებადი ბრეკეტები არის ვესტიბულური ფიქსაციის. მკურნალობა ხდება სუსტად მოქმედი ძალებით. ხშირ შემთხვევაში არ საჭიროებს კბილის ამოღებას და არის ძალიან კომფორტული. მნიშვნელოვნად გამარტივებულია ჰიგიენაც.
რამდენად ხანგრძლივია მკურნალობა?
ორთოდონტიული მკურნალობის ხანგრძლივობა დამოკიდებულია ანომალიის სირთულეზე, იგი იწყება 6 თვიდან და გრძელდება 4 წლამდე.
აქვს თუ არა მკურნალობას უკუჩვენება ?
პროცედურას უკუჩვენება არ გააჩნია, მაგრამ მნიშვნელოვანია ჰიგიენის ნორმების, კვების წესის და მოხმარების ინსტრუქციის გათვალისწინება. მკურნალობა იწყება 6-7 წლის ასაკიდან და შესაძლებელია 40 წლის ზემოთ.
როგორ მაგრდება ბრეკეტი ?
ბრეკეტის ფიქსაცია უმტკივნეულო პროცესია და არ არის დაკავშირებული უსიამოვნო შეგრძნებებთან. კბილის მინანქრის დამუშავების გარეშე ყველა კბილზე, სპეციალური ბჟენის საშუალებით, ინდივიდუალურად მაგრდება ბრეკეტი.
აქვს თუ არა პროცედურას გვერდითი მოვლენები?
სწორად დაგეგმილ ორთოდონტიულ მკურნალობას უკუჩვენება არ გააჩნია. პროცედურა პაციენტისთვის უმტკივნეულოა და მისი დასრულებისთანავე უბრუნდება ცხოვრების ჩვეულ რითმს. პროცედურა ანესთეზიას არ საჭიროებს.
